لم لا يمكننا اختيار أو صنع
لغة واحدة موحدة للعالم كله يتحدث بها كل البشر على الكرة الأرضية ،فلا نحتاج لحفظ العديد من اللغات للتواصل بل نجعل التواصل أسهل وأقرب بكثير ،تخيلوا كده لو تسافروا أمريكا تتكلموا نفس لغتكم أو فرنسا أو المانيا أو بلجيكا أو اليونان أو الهند أو الصي أو اليابان أو بيرو أو أسبانيا أو برتغاليا أو كوريا أو بلغاريا أو...............كتيير أوي حتى بصوا في اللينك ده عن شوية لغات ونسبة عدد المتحدثين بيها في العالم
https://ar.wikipedia.org/…/قائمة_اللغات_حسب_عدد_متحدثيها_ال… كتيييييير أوي وأكتر من 100 لغة،في 192 دولة،طب ليه التعب ده كله ،ايه لازمته ،
عملت المناسبة دي علشان نتكلم ونتناقش عن الفكرة دي بتعمق وكل واحد يظهر وجهة نظره ،ولو فعلاً حسيتم ان ده محتاجة مناقشة وتفكير أنا ممكن أحط عنوان نتقابل فيه ونشووف وجهات النظر ،أنا نفسي مش مقتنع 100% بالفكرة على نفس الشكل ده بس لقيت انها فكرة قابلة للتعديل والنقاش وممكن تبقى مقنعة لو لقينالها حل نتفادى بيه العيوب الممكنة اللي كتبتهالكم تحت أو أي عيوب تانية ممكن مكنش واخد بالي منها،
و ساعتها هيبقى ليها فوايد كتيييير أوي،أعدلكم منها:
1-لما تروح تشتغل في أي وظيفة مش محتاج يكون عندك لغة أ،صل أنا مش شايف بصراحة ان تحدث اكثر من لغة فيها ابداع مثلاً أو ممكن تضيف جديد ،لأ بالعكس ده مجهود عالفاضي.
2.كل البشر في كل العالم يبقى متوفرلهم نفس الفرص في كل حاجة( أنظمة الكمبيوتر،البرامج،...الخ)كلها واحدة،ومشهنحس بتفرقة بينا أوي.
3.هيبقى فيه انفتاح على الثقافات أكتر بكتير.
4.بدل منتعب نفسنا في تعلم لغات طول حياتنا ،هنفضى لابتكارات وابداعات تانية.
وده كانت المميزات ،ولكن مع الأسف لأن كل حاجة ليها عيوب،الفكرة ده ليها برده عيوب أعدلكم منها:
1.كل دولة أو كل مجموعة دول أو كل قبيلة بتتكلم لغة هيبقى نفسها أن اللغة بتاعتها هي اللي تفضل ،وهيتمسكوا بيها أوي لأسباب كتير ،منها ديانتهم ،تاريخهم ،لغتهم.
يعني مثلاً ،احنا كعرب ،هنقول اللغة العربية لازم تفضل علشان هي لغة القرءان ولغة أهل الجنة ودقيقة وقوية و.....إلخ ، و هكذا باقي العالم.
2.أخاف ان احنا ممكن بعد مننفذ الفكرة دي ترجع كل دولة أو كل مجموعة دول تعملها لغة جديدة أوحتى تستخدم أي لغة قديم حتى لو مش لغتها للتواصل بعيد عن باقي العالم وحتى يصبحوا مميزين بس وماله ،على الأقل هيبقى عدد اللغات أقل بكتييي مناللغات دلوقتي.
فكروا معايان وتعالو نناقش بعض وخلونا نفضى للمستقبل وللتكنولوجيا ،يعني لما العربيات تطير وممكن تسافر برا الدولة بسهولة جدا تقعد بقى تتعلم لغة الدولة اللي ممكن تروحلها في أاقل من ساعة أو تلبس جهاز الترجمة والكلام ده،طب ليه متخلونا في الفكرة الابداعية دي بس نعد عليها ،وصاحب أفضل حل هو صاحب الفكرة.المهم نبص لبكرة...... (;
ممكن تدعو أصدقائك لهذه المناسبة علشان الفكرة دي محتاجة عدد كبيير أوي من الناس اللي تدرسها الأول وتناقشها